Азийн бүтээмжийн байгууллагын Үндэсний бүтээмжийн шагнал
Монголын бүтээмжийн төв болон Азийн бүтээмжийн байгууллага (АББ) үндэсний/салбарын болон байгууллагын хэмжээнд бүтээмжийн хөдөлгөөнийг тасралтгүй өрнүүлж, бүтээмж ба чанарыг дээшлүүлэх санаачилгыг үр дүнтэй хэрэгжүүлэн үлгэр жишээ болсон манлайлагчийн хүчин чармайлтыг үнэлэх зорилготой Үндэсний бүтээмжийн шагналыг гардуулах арга хэмжээг зохион байгууллаа. АББ-ын Үндэсний бүтээмжийн шагнал нь бүтээмжийн хөдөлгөөний нэг хэсэг бөгөөд өмнө нь 5 жил тутамд 1 удаа олгогдож, Монгол улсаас 3 хүн тус шагналыг хүртээд байсан юм. Тэгвэл энэ жилээс жил бүр олгогдохоор болж 2022 оны Үндэсний бүтээмжийн шагналд нийт 6 нэр дэвшигчийн материал ирснээс Бүтээмжийн манлайлагч ангилалд Орхон аймгийн НДХ-ийн дарга Б.Анар, Бүтээмжийн экспертийн ангилалд Эрчим хүчний зөвлөх инженер С.Цэцгээ тус тус шалгарч АББ-ын алтан медаль, гэрчилгээ болон мөнгөн шагналыг гардан авлаа.
АББ-ын Үндэсний бүтээмжийн шагналтнууд нь бүтээмжийг хэрэгжүүлэгч байгууллага, хувь хүмүүст, бүтээмжийн дараагийн үеийнхэнд урам зориг өгч, үлгэр жишээ болсон хүмүүс юм. Энэхүү шагналд нэр дэвшихийг хүссэн хүн бүхэнд нээлттэй бөгөөд МБТ-тэй холбогдон дэлгэрэнгүй мэдээллийг авах боломжтой юм.
